Oppo F 25 Pro : ओप्पो इंडियाने एफ २५ प्रो ५जी हा स्मार्टफोन दोन स्टोरेज प्रकारांत बाजारात आणला आहे. नव्या लाव्हा रेड रंगात उपलब्ध असलेला या स्मार्टफोनमध्ये मागील बाजूस ६४ मेगापिक्सेल ट्रिपल कॅमेरा सेटअप आहे.
फोनच्या फ्रंट आणि बैंक कॅमेऱ्यांत ४के रेकॉर्डिंगची सुविधा आहे. तसेच त्यात ६.७ इंचांचा बॉर्डरलेस अॅमोलेड डिस्प्ले, ऑक्टॉकोअर डायमेन्सिटी ७०५० प्रोसेसर आणि ५००० एमएएच युक्त ६७डब्ल्यू फास्ट चार्जिग बॅटरीदेखील आहे. फोनला आयपी ६५ रेटिंग मिळालेले असून, त्याची जाडी केवळ ७.५४ एमएम, तर वजन फक्त १७७ ग्रॅमपर्यंत आहे.
याप्रसंगी ओप्पो इंडियातील प्रॉडक्ट कम्युनिकेशन्सचे संचालक सॅव्हियो डिसूझा म्हणाले की, ओप्पो एफ२५ प्रो ५जी मध्ये प्रीमियम फीचर्स अंर्तभूत करण्यात आले आहेत. त्यात फ्रंट आणि बैंक या दोन्ही कॅमेऱ्यांद्वारे ४के रेकॉर्डिंग, सुस्पष्ट आणि चमकदार बॉर्डरलेस डिस्प्ले आणि श्रेणीतील सर्वोत्तम फोटोग्राफी व किफायतशीरपणासाठी एआय तंत्रज्ञानांचा वापर करण्यात आला आहे. इतकेच नव्हे तर स्लिम, कमी वजन आणि मजबूत बांधणीसह ज्यांना शक्तिशाली आणि स्टायलिश अपग्रेड करायचे आहे त्यांच्यासाठी एफ२५ प्रो ५जी हा सर्वोत्तम पर्याय ठरत आहे.
जवळपास बॉर्डरलेस दृश्यता अनुभवण्यासाठी Oppo F 25 Pro ५जी मधील १२०एचझेड अॅमोलेड डिस्प्लेतील अत्यंत रुंद असून त्याचे स्क्रीन-टू-बॉडी प्रमाण ९३.४ टक्के इतकेच आहे. त्यातील १०-बिट कलर तंत्रज्ञान दृश्यात नैसर्गिक ग्रेडिएंट्ससाठी १ अब्जापेक्षा जास्त रंगछटा आणि टोन्स पाहता येतात.एचडीआर कंटेटची खात्री व्हावी म्हणून फोनचा ११०० निट्सचा पीक ब्राइटनेस सुस्पष्ट डिटेल्स दाखवतो. फोनची स्क्रीन पांडा ग्लास वापरून सुरक्षित करण्यात आली आहे. दणकटपणा आणि ओरखडे पडू नये म्हणून स्क्रीनचे दुहेरी मजबूतीकरण करण्यात आलेले आहे. फोनची बॉडी पीसी-जीएफ वापरून घडवण्यात आली आहे. रिइन्फोसर्मेट मटेरिअल म्हणून त्यात काचेच्या तंतूंसोबत पॉलिकार्बोनट रेझिनचे मिश्रण करण्यात आले आहे.एफ२५ प्रो हा फोन कठोर चाचण्या आणि गुणवत्ता तपासण्यांतून गेलेला आहे. जेणेकरून १,००,००० वेळा व्हॉल्यूमची बटणे, तर २,००,००० वेळा पॉवरची बटणे दाबूनसुद्धा टिकावीत, दीर्घकाळपर्यंत कशाचीही चिंता नसावी म्हणून फोनची यूएसबी-सी केबल २०,००० वेळा लावून आणि काढून तपासण्यात आल्या आहेत. या व्यतिरिक्त, फोनचा लाव्हा रेड रंग प्रकार झगमगीत बरगुंडी रंग ते डीप सनसेट टोनपर्यंत बदलत राहतो. Oppo F 25 Pro ५ जी फोन ओशन ब्ल्यू रंगातही उपलब्ध आहे.
